कुंकळ्ळी पोलिसांनी कार्यक्षेत्राच्या हद्दीत वाहतूक नियमांचा भंग केल्याप्रकरणी एकंदरीत 1001 जणांवर कारवाई करून 5 लाख 28 हजार 500 रुपयांचा दंड दोन महिन्यांच्या कालावधीत वसूल केला आहे.

1 जानेवारी ते 28 फेब्रुवारी 2023 दरम्यान ही कारवाई करण्यात आली. तसेच वाहतुकीला शिस्त लागावी म्हणून रोड सेफ्टीच्या माध्यमातून शाळा, महाविद्यालय, टॅक्सीचालक, बसचालक, रिक्षाचालक, मोटरसायकल पायलट व इतरांना रस्ता नियमांविषयी मार्गदर्शन करण्यात आल्याची माहिती कुंकळ्ळी पोलिस स्थानकाचे पोलिस निरीक्षक तुकाराम चव्हाण यांनी दिली. यापुढेही अशीच कारवाई सुरूच राहणार असल्याचे त्यांनी सांगितले.