Goa Accident Death: अपघाती मृत्‍यू प्रकरणातून कापशे-सावर्डे येथील संशयित संजील नाईक यांची न्‍यायालयाने निर्दोष मुक्‍तता करण्‍याचा आदेश दिला. न्‍यायालयात सादर करण्‍यात आलेल्‍या आराेपपत्रानुसार अपघाताची ही घटना 8 ऑगस्‍ट 2020 रोजी घडली होती.

पोलिसांनी त्‍याच दिवशी या अपघाती मृत्‍यू प्रकरणाची नोंद केली होती. 23 सप्‍टेंबर रोजी या संशयिताविरुद्ध न्‍यायालयात आरोपपत्र सादर केले आणि 18 मार्च 2021 रोजी संशयिताला त्‍याच्‍यावर असलेला आरोप न्‍यायालयाने सांगितला.

हा आरोप मान्‍य नसल्‍याचे संशयिताने सांगितल्‍यानंतर 5 एप्रिल 2022 रोजी न्‍यायालयात साक्ष व पुरावे सादर करण्‍याची प्रक्रिया सुरू झाली. संशयित आरोपीविरुद्ध भादंसंच्‍या 279 व 304 अ कलमाखाली गुन्‍हा दाखल करण्‍यात आला होता.