Goa Liquor Smuggling In Maharashtra: बेकायदा गोवा बनावटीच्या मद्याची वाहतूक केल्याप्रकरणी पेडणे गोव्यातील एकाला सिंधुदुर्गात ताब्यात घेण्यात आले. ही कारवाई राज्य उत्पादन शुल्कच्या पथकाने शुक्रवारी पहाटे 3 वाजण्याच्या सुमारास दोडामार्ग-तिलारीनगर रस्त्यावर केली.

दरम्यान या कारवाईत तब्बल 14 लाखांचा मुद्देमाल जप्त करण्यात आला आहे.

याबाबत अधिक माहिती अशी की, गुप्त माहितीच्या आधारे राज्य उत्पादन शुल्कच्या पथकाने ही कारवाई दोडामार्ग-तिलारीनगर रस्त्यावर केली. गुप्त माहितीनुसार गोव्याहून सिंधुदुर्गात येणाऱ्या स्कॉर्पीओ कारला तपासणीसाठी थांबविले असता त्यात गोवा बनावटीचे मद्य आढळून आले.

याप्रकरणी संशयित ईश्वर रणजित सिंह (31, जुनासवाडा-मांद्रे) या संशयिताला ताब्यात घेण्यात आले. संशयिताकडून दारुसह 13 लाख 88 हजारांचा मुद्देमाल जप्त करण्यात आला.