Central government forest coverage report Goa increase

पणजी: केंद्र सरकारने वन आच्छादित क्षेत्रांचा राज्‍यनिहाय अहवाल नुकताच जाहीर केला आहे. त्‍यात गोव्‍यातील एकूण वन क्षेत्रात किंचित वाढ झाली आहे.

राज्‍यात २०१७ मध्‍ये २२२९ चौ.कि.मी., २०२९ मध्‍ये २२३७ चौ.कि.मी., तर २०२३ च्‍या अहवालात हा आकडा २२६५.७२ चौ.कि.मी.वर पोहोचला आहे. दोन वर्षांपूर्वी पश्चिम घाटात आगीच्‍या मोठ्या घटना घडल्‍या होत्‍या. त्‍यानंतर मोठ्या प्रमाणात वनीकरण करण्‍यात आले. त्‍यामुळे वन आच्छादित क्षेत्रात वाढ झाली आहे, असे मानले जात आहे.

१९८८ च्या राष्ट्रीय वन धोरणानुसार, भौगोलिक क्षेत्राच्या किमान ३३ टक्के भागात जंगले असणे आवश्यक आहे. त्‍यानुसार गोव्‍यात वन क्षेत्र अधिक आहे. हवामान बदल मंत्रालयाकडून दरवर्षी राज्‍यांचा आढावा घेण्‍यात येतो. ‘राज्‍य जैवविविधता’तर्फेही वन वाढीसाठी प्रयत्‍न केले जातात.