फोंडा: ढवळी येथे पर्यटकांच्या कारगाडीला अपघात होऊन चारजण किरकोळ जखमी झाले. हा अपघात आज (गुरुवारी) दुपारी दोनच्या सुमारास घडला.

गोवा पर्यटनासाठी आलेल्या पनवेल - महाराष्ट्रातील (एमएच४६ बीक्यू ८२३०) कारगाडीच्या चालकाचा ताबा सुटल्याने कारगाडीने रस्त्याच्या दुभाजकाला ठोकर दिली. त्यानंतर ती उलटली. या अपघातात कारगाडीमधील पनवेल येथील समय थोरात (वय २५), रोशनी कांचन (वय २६), विकास त्रिपाठी (वय २९) व ट्विंकल सुलझले (वय २६) हे चार प्रवासी किरकोळ जखमी झाले. जखमींवर उपचार करून त्यांना सोडण्यात आले.

चालकाचा ताबा सुटल्याने कार दुभाजकाला धडकल्याने हा अपघात (Accident) झाला. अपघातानंतर अग्निशामक दलाला कळवल्यानंतर त्यांनी लगेच घटनास्थळी धाव घेतली. अग्निशामक दल आणि स्थानिकांनीजखमींना बाहेर काढून उपचारासाठी मदतकार्य केले. तर फोंडा पोलिसांनी (Phonda Police) अपघाताचा पंचनामा केला.