निकृष्ट बांधकाम करणाऱ्या कंत्राटदारांना पाठीशी घालून सरकार लोकांच्या जीवाशी खेळत असून जनतेबद्दल थोडी तरी आस्था असेल, तर सरकारने अशा कंत्राटदारावर कारवाई करावी, अशी मागणी ‘आप’ने पेडणे तालुक्याच्या वतीने मालपे येथे राष्ट्रीय महामार्ग ६६ वर दरड कोसळलेल्या ठिकाणी महामार्गावर भर पावसात धरणे धरून व घोषणा देऊन सरकारचा निषेध नोंदविला.

यावेळी देवेंद्र प्रभुदेसाई म्हणाले की, पत्रादेवी ते महाखाजन पर्यंतचा महामार्ग हा दर्जाहीन आहे. महामार्गानजीकची दरड कोसळत असल्याने या मार्गाने प्रवास करणे धोकादायक झाले आहे. भाजपला हा कंत्राटदार निधी पुरवत असल्याने त्याला पाहिजे ते करण्यास या सरकारने रान मोकळे करून दिलेले आहे. म्हणून सरकार या कंत्राटदाराच्या या दर्जाहिन कामाकडे सरकार दुर्लक्ष करत आहे.

पेडणे व मांद्रेचे आमदार या प्रश्नावर गप्प आहेत.पुंडलिक धारगळकर म्हणाले की , ‘एमव्हीआर’ कंपनीच्या बांधकामाबद्दलच्या ज्ञानाचा संशय येऊ लागला आहे.यावेळी वाल्मिकी नायक, सुनील सिग्नापूरकर, यांनी एमव्हीआर कंपनीच्या दर्जाहिन कामावर सरकार मौन बाळगते, असे सांगून सरकारवर जोरदार हल्ला चढविला.