पणजी : राज्यात नुकतेच झालेले भाजप-कॉंग्रेसचे राजकीय नाट्य, हा काँग्रेस भाजपची ‘बी-टीम’ असल्याचा आणखी एक पुरावा असल्याचा दावा आम आदमी पक्षाचे उपाध्यक्ष ॲड. सुरेल तिळवे यांनी मंगळवारी केला. काँग्रेसचे माजी प्रदेशाध्यक्ष गिरीश चोडणकर (Congress MLA Girish Chodankar) यांनी काँग्रेसच्या आमदारांना भाजपमध्ये येण्यासाठी 40 कोटी रुपयांची ऑफर दिल्याचा दावा केला होता. असे असताना कॉंग्रेस पक्ष भाजपवर कारवाई करण्याऐवजी मूग गिळून गप्प का, असा सवाल तिळवे यांनी उपस्थित केला. (Goa AAP News Marathi)

पक्षांतर हे कॉंग्रेसच्या ‘डीएनए’मध्येच आहे. कॉंग्रेसचे आणि भाजपचे संबंध नवरा-बायकोप्रमाणे असल्याचे ‘आप’चे संयोजक अरविंद केजरीवाल (Arvind Kejriwal) नेहमीच सांगतात. पक्षांतराचे नाटक थांबले असले तरी येत्या काही दिवसांनंतर ते पुन्हा सुरू होईल, असे ते यावेळी म्हणाले.

सरकारला घेरण्याची संधी गमावली

विधानसभा अधिवेशन ही भाजप सरकारवर एक होऊन टीका करण्यासाठी संधी होती. मात्र, सर्वांत मोठा विरोधी पक्ष आपल्याच अजेंड्यामध्ये व्यस्त असल्यामुळे ही संधी गमावल्याचे नाईक म्हणाले. काँग्रेस नेते कामत यांनी या षडयंत्रात ते सामील होते की नाही हे स्पष्ट करावे, असे संदेश तेलेकर म्हणाले.