वाळपई - होंडा मार्गावरील रेडीघाट येथील नुहा पेट्रोल पंप जवळ आज पहाटे 5 च्या सुमारास रेती वाहु ट्रकाचा अपघात झाला. या अपघातात वाहन चालक बचावला आहे. तर वाहनाचे मोठे नुकसान झाले आहे.

याबाबत अधिक माहिती अशी की, एक ट्रक महाराष्ट्रातून वाळपईला रेतीची वाहतूक करीत होता. यावेळी पहाटे 5 च्या सुमारास ट्रक वाळपई - होंडा मार्गावरील रेडीघाट येथील नुहा पेट्रोल पंप जवळ आला असता ट्रक चालकाचा वाहनावरील ताबा सुटून वाहनाची झाडाला धडक बसली.

धडक एवढी जोरदार होती की ट्रक रस्त्याच्या बाजूला कलंडला. अपघातात सुदैवाने वाहन चालक बचावला आहे तर वाहनाचे मोठे नुकसान झाले आहे. वाळपई पोलिसांना अपघाताची माहिती मिळताच घटनास्थळी दाखल झाले. पोलिस पुढील तपास करीत आहेत.