Curchorem News: कुडचडेत सिमेंटचे ब्लॉक वाहून नेणारा ट्रक रस्त्यात रूतल्याने पादचाऱ्यांना मनस्ताप सहन करावा लागला. कुडचडे बाणसाय येथे हा प्रकार घडला आहे.

येथे ड्रेनेजच्या पाईपलाईचे काम सुरू आहे. त्यासाठी गटार खोदण्यात आले आहे. तेथेच हा या ट्रकचे चाक रूतून बसले. या ट्रकमधून सिमेंटच्या ब्लॉक विटा वाहून नेण्यात येत होत्या. तथापि, बराचकाळ हा ट्रक येथे रूतून बसला होता.

खूपदा प्रयत्न करूनही हा ट्रक खड्ड्यातून बाहेर काढण्यात यश आलेले नव्हते. दरम्यान, येथील कामगारांनीही ट्रक बाहेर काढण्यासाठी प्रयत्न केले. बराचकाळ हा प्रकार सुरू होता. रस्त्यात हा ट्रक अडकल्याने येथून जाणाऱ्या येणाऱ्यांना नाहक त्रास सहन करावा लागला.

दरम्यान, ही कामे दर्जेदार होत नाहीत, कंत्राटदाराने कामे व्यवस्थित केलेली नाहीत, अशी तक्रार अनेकांनी केली.

गोव्याची राजधानी पणजीमध्ये स्मार्ट सिटी तसेच ड्रेनेज पाईपलाईनची कामे सुरू होती. या काळात येथेही सुमारे सहा ते सात वेळा ट्रक रूतल्याचे प्रकार समोर आले होते. त्यावरून सरकारवर आणि स्मार्ट सिटीच्या कामांवर टीकाही झाली आहे.