Tree Collapse on Ponda Animal Husbandry Office: गोव्यात गेल्या काही दिवसांत सुरू असलेल्या जोरदार पावसामुळे ठिकठिकाणी पडझडीच्या घटना समोर येत आहेत. शनिवारी फोंड्यातील पशु संवर्धन विभागाच्या कार्यालयावर झाड कोसळून मोठे नुकसान झाले. सुदैवाने या घटनेत जीवीतहानी झाली नाही.

या घटनेत कार्यालयाचे लाखो रूपयांचे नुकसान झाल्याचे सांगण्यात येत आहे. झाड कोसळल्याने या कार्यालयाच्या पत्र्याचा आणि लाकडी छताचा मधला भाग फुटून कोसळला आहे. आता या उघड्या छतातून पावसाचे पाणी थेट कार्यालयात येत आहे.

अग्निशमन विभागाला ही माहिती देण्यात आली. त्यानंतर अग्निशमन दलाच्या जवानांनी हे झाड तोडून या कार्यालयाचा परिसर मोकळा केला.