शिवोली: ग्रेंड -पिकेन ,हणजुण (Anjuna) येथील ब्र्लु -लाईन हॉस्पिटलीटी या घरगुती रेस्टॉरंटला बुधवारी मध्यरात्री आकस्मिक लागलेल्या भीषण आगीत एक मजली लाकडी रेस्टॉरंट (Restaurant) जळून खाक झाले. या आगीत  लाकडी फर्नीचर, वीजेवर चालणारी फ्रीज आदी उपकरणे  तसेच खाद्वापदार्थाचे  सामान मिळून अंदाजे पाच लाख रुपयांचे नुकसान झाल्याची माहिती म्हापसा अग्निशमन दलाकडून मिळाली. दरम्यान, रात्री साडेबाराच्या सुमारास डीनर घेण्यासाठी एकत्रित बसलेल्या तेथील कर्मचाऱ्यांना रेस्टॉरंटच्या मध्यभागातून  आग लागल्याचे  लक्षात आले , यावेळी क्षणाचीही उसंत न घेता  कर्मचाऱ्यांनी जवळच्या नळाच्या पाण्याचा फंवारा मारुन आग विझवण्याचा प्रयत्न केला परंतु यावेळी तात्काळ आगीने रौद्ररुप धारण केल्याने शेवटी म्हापसा अग्निशमन दलाला पाचारण करण्यात आले. 

दरम्यान, घटनेची माहिती मिळताच म्हापसा अग्निशमन दलाचे पथक तात्काळ हणजुणात दाखल झाले व तीन तासांच्या अथक प्रयत्नांनंतर आगीवर नियंत्रण मिळवीले. दरम्यान, ब्लु लाईन हॉस्पिटलीटी रेस्टॉरंटपासून शंभरेक मिटरच्या परिसरात कळंगुटातील एका बड्या राजकीय व्यक्तीचे रेस्टॉरंट असल्याने स्थांनिकांत मोठा गोंधळ उडाल्याचे यावेळी दिसून आले.. म्हापसा अग्निशमन दलाचे उप- अधिकारी अशोक परब यांच्या नेत्रुत्वाखाली फायरमन परेश मांद्रेकर, सुरज कारापुरकर, नीतीन मयेंकर, अक्षय सावंत , स्वपनेश कळंगुटकर, अर्जुन धावस्कर, प्रवीण पिसुर्लेकर तसेच ड्रायव्हर देवेंद्र नाईक यांनी भाग घेतला....