Bicholim News: डिचोलीतील नदीच्या किनारी मगर दिसून आल्यामुळे परिसरात भीतीचे वातावरण निर्माण झाले आहे. रहिवाशी भागातच मगर दिसल्याने स्थानिकांना चिंता वाटत आहे.

शुक्रवारी दुपारी नदीच्या किनाऱ्यावर मगर असल्याचे दिसून आले. नागरिकांसह विद्यार्थ्यांनाही ही मगर दिसून आली. या आधीही या भागात मगर दिसून आली आहे. या भागात ज्येष्ठांपासून बालकांपर्यंतचा सर्रास वावर असतो.

त्यामुळे कोणताही अनुचित प्रकार घडण्याची शक्यता नाकारता येत नाही. त्या पार्श्वभुमीवर वन खात्याने या मगरीला पकडून सुरक्षित अधिवासात सोडावे, अशी मागणी केली जात आहे.