Accident Death Case: राज्यातील अपघातांच्या घटनेत दिवसेंदिवस कमालीची वाढ होत आहे. यातच आज (2 डिसेंबर) ट्रकच्या खाली आल्याने एकाचा जागीच मृत्यू झाल्याचा प्रकार समोर आला आहे.

उपलब्ध माहितीनुसार, विदेश पोळे (२३) हा GA-03AG-1081 या क्रमांकाच्या दुचाकीने पर्राहून ग्रीनपार्कच्या दिशेने निघाला होता. त्याच्याच समोरून GA-03V-0904 या क्रमांकाचा ट्रक निघाला होता. त्यावेळी हा अपघात घडला.

नामोशी येथील शाळेजवळील जंक्शनवर विदेशने ट्रकला ओव्हरटेक करण्याचा प्रयत्न केला. याच प्रयत्नात त्याचा तोल गेला अन् तो दुचाकीसह ट्रकच्या चाकाखाली चिरडला गेला. आज सकाळी 10 वाजून 10 मिनिटांनी झालेल्या या अपघातात तो जागीच ठार झाला. या प्रकारामुळे परिसरात हळहळ व्यक्त होत आहे.

याप्रकरणी ट्रक चालकाला थिवी येथील रघुनाथ पवार (मूळ रा. कोल्हापूर) याला ताब्यात घेतले आहे. पोलीस संबंधित घटनेचा अधिक तपास करत आहेत.