बायणा समुद्रकिनाऱ्यावर (Baina Beach, Goa) 35 वर्षीय युवकाच्या धारदार शस्त्रांनी वार करत खून (Murder) केल्याची घटना समोर आली आहे. उमेश हरिजन (रा. काटे-बायणा, वय 35) असे या खून झालेल्या युवकाचे नाव आहे. हल्लेखोर कोण आणि खूनाचे कारण अद्याप अस्पष्ट आहे. पोलिसांकडून हल्लेखोरांचा शोध सुरू आहे. या घटनेमुळे परिसरात खळबळ निर्माण झाली आहे.

याबाबत मिळालेली अधिकची माहिती अशी की, उमेश हरिजन याच्यावर चार ते सहा लोकांच्या जमावाने हल्ला केला. सुरा, चाकू, तलवार यासारख्या धारदार शस्त्रांनी त्याच्यावर वार करण्यात आले. उमेशचा या हल्ल्यात मृत्यू झाला आहे. हल्ल्याचे कारण अस्पष्ट आहे. मुरगाव पोलिस घटनास्थळी दाखल झाले असून, अधिक तपास सुरू आहे.