मडगाव येथे रेणुका बहादूर या महिलेवर गुंडांनी प्राणघातक केल्याची घटना ताजी असतानाच हणजूण येथे एका 25 वर्षीय तरुणीचा दोघांनी विनयभंग करून तिला मारहाण केल्याचा धक्कादायक प्रकार उघडकीस आला आहे. याप्रकरणी पोलिसांनी दोघांना अटक केली आहे.

नौमान उर्फ कवेश साबेरी (23, रा. हणजूण, मूळ छत्तीसगड) आणि राज उल्हास शिंदे (28, रा. ग्रॅण्ड पेडे, हणजूण) अशी संशयितांची नावे आहेत. 25 वर्षीय पीडित युवती सॉफ्टवेअर इंजिनियर असून दीड वर्षापासून ती गोव्यात वास्तव्यास आहे.

मंगळवारी पहाटे 4 च्या सुमारास ती फुड कोर्टवर जेवणाचे पार्सल आणण्यासाठी गेली होती. तिथे संशयितांनी विनयभंग केला. संशयितांना १४ दिवसांची पोलिस कोठडी बजावली आहे.

‘ती’ गोवा सोडणार

मंगळवारी माझ्यावर अतिप्रसंग ओढवल्याने भीती वाटू लागली आहे. सध्या हणजूणमध्ये चालणे-फिरणे माझ्यासाठी मुश्किल झाले आहे. त्यामुळे मी माझे घर बदलण्याचा निर्णय घेतलाय. वेळप्रसंगी गोवा सोडून जाण्याचा माझा विचार आहे, अशी कैफियत पीडित तरुणीने प्रसिद्धी माध्यमांसमोर मांडली.