पणजी: राज्यात आज कोरोनाचे 12 रुग्ण सापडले असून संक्रमणाचा दर 1.62 टक्के इतका झाला आहे. तर सक्रिय रुग्णांची संख्या 80 इतकी झाली आहे. राज्यात आतापर्यंत 2 लाख 45 हजार 595 नागरिकांना कोरोनाची बाधा झाली असून यापैकी 2 लाख 41 हजार 683 रुग्ण बरे झाले. रुग्ण बरे होण्याचे प्रमाण 98.41 टक्के आहे.

गेल्या 24 तासांत कोरोनामुळे मृत्यू झाला नसल्याने एकूण मृत्यूचा आकडा 3 हजार 832 वर कायम आहे. मंगळवारी 739 संशयित रुग्णांच्या चाचण्या घेतल्या. त्यापैकी 12 जणांना कोरोनाची लागण झाल्याचे स्पष्ट झाले. कोरोनाच्या चौथ्या लाटेचा धोका नसला, तरी योग्य ती दक्षता घेण्याचा सल्ला तज्ज्ञांनी दिला आहे.