Doctor Booked for Molesting women in Margao Goa during medical check up : वैद्यकीय तपासणीवेळी महिलेचा विनयभंग केल्याप्रकरणी मडगाव येथील डॉक्टर विरोधात गुन्हा दाखल करण्यात आला आहे. शनिवारी याप्रकरणी मडगाव पोलीस ठाण्यात महिलेने तक्रार दाखल केल्यांतर 77 वर्षीय डॉक्टर विरोधात गुन्हा नोंदवला आहे.

मिळालेल्या माहितीनुसार, प्रकाश अवदी असे या संशयित डॉक्टरचे नाव आहे.

स्वातंत्र्यदिनाच्या दुसऱ्या दिवशी (16 ऑगस्ट) महिला वैद्यकीय तपासणीसाठी गेली असता डॉक्टरने तिचा विनयभंग केला. असा आरोप 27 वर्षीय महिलेने दाखल केलेल्या फिर्यादीत केला आहे. तसेच, फिर्यादी महिला रविवारी याबाबत माहिती देण्यासाठी पत्रकार परिषद घेणार असल्याची माहिती मिळत आहे.

डॉक्टरला अद्याप अटक करण्यात आली नाही, पण लवकरच त्याला चौकशीसाठी हजर केले जाणार असल्याची माहिती मडगाव पोलिसांनी दिली आहे.