Mapusa Incident: विहिरीत उडी घेतलेल्या 65 वर्षीय महिलेला अग्निशमन दलाने जीवनदान दिले आहे. डावा हात नसलेल्या या महिलेला म्हापसा अग्निशमन दलाचे जवान गिरीश गावस यांनी सुखरूप बाहेर काढले. सावंतवाडा, आसगाव येथे पहाटे 4:30 वाजता ही घटना घडली.

म्हापसा अग्निशमन दलाच्या वतीने देण्यात आलेल्या माहितीनुसार, सावंतवाडा, आसगाव येथील एका 65 वर्षीय महिलेने खोल विहिरीत उडी घेतली. अग्निशमन दलाला याबाबत माहिती मिळताच तात्काळ जवान घटनास्थळी दाखल झाले. लांब शिडीच्या सहाय्याने महिलेला सुखरूप बाहेर काढण्यात आले.

यावेळी म्हापसा अग्निशमन दलाचे जवान गिरीश गावस यांच्यासह, ज्ञानेश्वर सावंत, योगेश अमणकर, भगवान पालनी आणि सानिल बाणावलीकर आदी उपस्थित होते.