आयजीपी गोवा यांच्याकडून गुप्तचर विभागाला माहिती मिळाली की मोठी रोख रक्कम एका हवाला ऑपरेटरकडे त्याच्या मडगाव येथील निवासस्थानी आहे. त्यानुसार, आयटी विभागाकडून वॉरंटची अंमलबजावणी करण्यात आली.

यानंतर आयकर कायद्याच्या तरतुदीनुसार तपास करण्यात आला. यावेळी मडगाव (Margao) येथील हवाला ऑपरेटरजवळ 6 कोटी रक्कम आढळून आली आहे. प्राप्तिकर विभागाकडून रोकड जप्त करण्यात आली आहे. पुढील तपास प्राप्तिकर विभाग करत आहे. विधानसभा निवडणुकीसाठी (Assembly Election) मतदारांना आकर्षित करण्यासाठी ही रक्कम आणली असण्याचा आयकर विभागाला संशय आहे. त्यानुसार पुढील तपास सुरू आहे.