57 year old Woman Murdered in Paroda

केपे: मोडेवाडो-पारोडा येथील उबालदिना ब्रागांझा या ५७ वर्षीय महिलेचा अज्ञाताने खून करून पळ काढला असून केपे पोलिस याप्रकरणी तपास करीत आहेत.

आज केपे पोलिसांनी घटनास्थळी जाऊन पंचनामा केला. खुन्याचा माग घेण्यासाठी श्वानपथक तसेच ठसे तज्ञांना सुद्धा पाचारण करण्यात आले होते. सदर खुनाच्या दिवशी एक कामगार घराच्या आत होता, तसेच तिच्याकडे पैसे सुद्धा होते. सदर कामगाराने त्या पैशासाठी खून केल्याचा संशय व्यक्त करण्यात येत असून केपे पोलिस त्यादृष्टीने तपास करीत आहेत.

पारोडा येथील उबालदिना हिच्या घराचे काम सुरू असून ती आपल्या मुलीकडे दुसऱ्या ठिकाणी राहात होती, पण घराचे काम पाहण्यासाठी ती रोज पारोडा येथे येत होती. २१ रोजी दुपारी १२.४५ वा. तिच्या मुलीने तिला अखेरचा फोन केला होता.

त्यानंतर दुपारी दोन वाजता घराचे टाईल्स बसविणार कामगार त्या ठिकाणी आला असता त्याला घराचा दार बंद असल्याचे दिसून आला. त्यानंतर त्याने तिला बाहेरूनच फोन केला असता फोन वाजत होता, पण फोन कोणीच उचलत नसल्याने त्याने शेजाऱ्यांना याची माहिती दिली.

लोकांनी येऊन खिडकीतून पाहिले असता उबालदिना घराच्या शिडीवर पडून असल्याचे दिसून येतात. लोकांनी तिला हॉस्पिटलमध्ये नेले असता तिला मृत घोषित केले. आज तिच्या मृतदेहाची उत्तरीय तपासणी केली असता हा खुनाचा प्रकार असल्याचे माहिती केपे पोलिसांना देण्यात आली.