Old Goa: सिमेंटच्या उघड्या खड्ड्यात पडलेल्या 5 वर्षीय बालकाचा बुडून मृत्यू झाल्याचा धक्कादायक प्रकार उघडकीस आला आहे. याप्रकरणी ओल्ड गोवा पोलीस ठाण्यात खड्डा उघडा ठेवल्याप्रकणी एका व्यक्तीविरोधात गुन्हा दाखल करण्यात आला आहे.

खड्डा न झाकता तसाच उघडा ठेवत बालकाच्या मृत्यूस कारणीभूत ठरल्याप्रकरणी राजेश पटेल या व्यक्तीविरोधात ओल्ड गोवा पोलिसांत गुन्हा दाखल करण्यात आला आहे.

मिळालेल्या माहितीनुसार, ओल्ड गोवा येथे सिमेंटच्या उघड्या खड्यात पडून पाच वर्षीय लहानग्याचा मृत्यू झाला. खड्डा झाकला नसल्याने मुलाचा पाण्यात बुडून मृत्यू झाला. अशी प्राथमिक माहिती समोर आली आहे.