Goa Bribery Case: गोवा पोलिसांच्या दहशतवाद विरोधी पथकाने (ATS) कॅसिनो व्यापाऱ्याकडून लाच मागितल्याचे एक प्रकरण समोर आले आहे. हे प्रकरण थेट केंद्रीय मंत्र्यांपर्यंत पोहचले आहे. थेट केंद्रीय मंत्र्यांनी दखल घेतल्याने गोवा पोलिस दलात खळबळ माजली आहे.
एटीएसच्या एकूण पाच कर्मचाऱ्यांचा यात समावेश आहे. यात तीन हवालदार आणि दोन पोलिस कॉन्स्टेबल आहेत.
विशेष म्हणजे या लाच प्रकरणातील मुख्य सुत्रधार असलेला कर्मचारी रजेवर होता. त्याने तो स्वतः पोलिस उपनिरिक्षक असल्याचे सांगून लाच मागितली होती. रजेदिवशीही तो लाच मागण्यासाठी आला होता. दरम्यान, हे प्रकरण अंगलट येऊ शकते, अशी शक्यता वाटू लागल्याने एक कर्मचारी तब्येतीचे कारण देत रजेवर गेल्याचे समजते.
शुक्रवारी सायंकाळी 5 वाजता एटीएसच्या या पाच कर्मचाऱ्यांनी कॅसिनो व्यवसायाशी संबंधित व्यापाऱ्याला धमकी देत त्याच्याकडून 6.5 रूपये लाच मागितली. संबंधित व्यापाऱ्याने 1.5 लाख रुपये देण्याची तयारी दर्शवली. परंतु, एटीएसच्या कर्मचाऱ्यांनी कमी रक्कम स्विकारण्यास नकार दिला.
संबंधित व्यापाऱ्याने या सगळ्या प्रकाराचा पोलिसांच्या नकळत व्हिडिओ केला आणि तो आपल्या साथीदाराला पाठवला. त्याच्या साथीदाराने हा व्हिडिओ दिल्लीतील केंद्रीय मंत्र्यांना पाठवला. संबंधित मंत्र्याने थेट गोव्याच्या मुख्यमंत्र्यांशी संपर्क साधला. त्यामुळे आता दोषी पोलिसांवर लवकरच कारवाई होणार असल्याची चर्चा आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.