Goa Illegal Tree Cutting: महाराष्ट्रातून येऊन गोव्यात बेकायदा वृक्ष तोड केल्याप्रकरणी गोव्याच्या वन विभागाने एकास ताब्यात घेण्यात आले आहे. सिकंदर मालवणकर असे त्याचे नाव आहे. तो मूळचा सिंधुदुर्ग जिल्ह्यातील तळवडे गावचा रहिवासी आहे. त्याला कोर्टाने तीन दिवसांची पोलिस कोठडी सुनावली आहे.

सांगे येथे ही वृक्षतोड करण्यात आली. येथील खैराची 40 झाडे तोडण्यात आली आहे. त्यासाठी कोणतीही परवानगी घेण्यात आली नव्हती. हे तोडलेले लाकुडदेखील हस्तगत करण्यात आलेले आहे.

दरम्यान, घटनास्थळावरून इतरही आणखी काही संशयित होते. ते तिथून पसार झाले. एकूण सात जण घटनास्थळावरून पळून गेल्याचे सांगितले जात आहे. या पाठीमागे मोठे रॅकेट आहे का याचा तपास केला जाणार आहे.