पणजी: राज्यातील सहा पालिका निवडणुकांसाठी 75 प्रभागातून आज उमेदवारी अर्ज सादर करण्याच्या शेवटच्या दिवशी एकूण 381 उमेदवारी अर्ज दाखल झाले आहेत तर पणजी महापालिकेच्या 30 प्रभागांसाठी आज शेवटच्या दिवशी 120 अर्ज दाखल झाले आहेत. 

सहा पालकांसाठी आज 92 उमेदवारी अर्ज दाखल झाले आहेत तर पणजी महापालिकेसाठी आज 46 उमेदवारी अर्ज दाखल झाले आहेत. त्यामध्ये काही माजी नगरसेवक यांचाही समावेश आहे.

गोव्याच्या 'तम्नार' प्रकल्पाचं भवितव्य आता न्यायालयाच्या हातात

वीस पंचायतींच्या 22 प्रभाग पोटनिवडणुकीसाठी आज शेवटच्या दिवशी 34 उमेदवारी अर्ज दाखल झाले आहेत त्यामुळे एकूण संख्या 74 वर पोहोच आहेत. उत्तर गोव्यातील पंधरा पंचायत प्रभागांसाठी 53 अर्ज आले आहेत तर दक्षिण गोव्यातील सात प्रभागांसाठी 21 अर्ज दाखल झाले आहेत. भिरोंडा, मावशी व चिखली या पंचायतीच्या प्रागामध्ये एकच उमेदवारी अर्ज दाखल झाल्याने येथील एकमेव उमेदवार हे बिनविरोध निवडून आल्यात जमा आहे.