दाबोळी: गोव्याचा पर्यटन हंगाम सुरु झाला आहे. देश - विदेशातील पर्यटक गोव्यात दाखल व्हायला सुरुवात झाली आहे. गेल्या काही दिवसांत युनाटेड किंगडम, रशिया, उझबेकिस्तान यासह विविध देशातील पर्यटक गोव्यात दाखल झालेत.
रशियातून ३३४ पर्यटकांना घेऊन हंगामातील पहिले चार्टर मंगळवारी (०५ नोव्हेंबर) दाबोळी आंतरराष्ट्रीय विमानतळावर दाखल झाले. विमानतळावर पर्यटकांना गुलाबपुष्प देऊन त्यांचे स्वागत करण्यात आले.
रशियातून अजुर एअरची फ्लाईट गोव्यातील दाबोळी विमानतळावर दाखल झाली. रशियातील नुकोव्हो येथून उड्डाण घेतलेले विमान मंगळवारी पहाटे चार वाजता दाबोळीवर उतरले.
मिळालेल्या माहितीनुसार अजुर एअर यावर्षी रशियातून ११० फ्लाईट्स ऑपरेट करणार आहे. यानंतर येत्या १५ आणि २६ नोव्हेंबर रोजी रशियातून दोन चार्टर गोव्यात येणार आहेत. तसेच, डिसेंबर ते मार्च या कालावधीत काही चार्टर गोव्यात येणार असल्याची माहिती आहे.
एक दिवसापूर्वी मनोहर आंतरराष्ट्रीय विमानतळावर युनायडेट किंगडम येथून २९२ पर्यटकांना घेऊन चार्टर विमान दाखल झाले. विमानतळावर पर्यटकांचे गुलाबाचे फूल देऊन स्वागत करण्यात आले.
उझबेकिस्तान येथून गोव्यासाठी थेट फ्लाईट सुरु करण्यात आली आहे. काही दिवसांपूर्वी ताश्कंद येथून पर्यटकांना घेऊन फ्लाईट मनोहर आंतरराष्ट्रीय विमानतळावर दाखल झाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.