गोवा: गोव्यात आज सकाळी 10 वाजल्यापासून अखिल भारतीय काँग्रेस कमिटी (AICC) अध्यक्षपदासाठी निवडणूक सुरू झाली आहे. गोव्यातील 31 प्रदेश काँग्रेस कमिटी (PCC) प्रतिनिधी निवडणुकीसाठी अर्ज करण्यास पात्र आहेत.

(31 PCC delegates to cast their vote in Goa to elect new AICC president)

ही निवडणूक दुपारी 4 वाजेपर्यंत चालणार असुन. 24 वर्षांनंतर काँग्रेस बिगर गांधी अध्यक्ष निवडणार आहे. काँग्रेसचे ज्येष्ठ नेते मल्लिकार्जुन खर्गे आणि शशी थरूर यांच्यातच लढत आहे. इलेक्टोरल कॉलेजमधून देशभरातील 9,000 हून अधिक प्रदेश काँग्रेस कमिटी (पीसीसी) प्रतिनिधी गुप्त मतपत्रिकेद्वारे पक्षप्रमुखाची निवड करतील.

देशातील सर्वात जुन्या काँग्रेस पक्षाच्या अध्यक्षपदासाठी आज मतदान (Congress President Polls) होत आहे. अनेक दिवसांपासून काँग्रेस अध्यक्षपदाच्या निवडणूकीकडे (Congress President Election) सर्वांचे लक्ष लागून राहिले आहे. काँग्रेसचे ज्येष्ठ नेते मल्लिकार्जुन खर्गे आणि शशी थरूर यांच्यात पक्षाध्यक्षपदाचा सामना रंगणार आहे. दिल्लीतील असलेले पक्षाचे मुख्यालयात आणि देशभरातील 65 हून अधिक केंद्रांवर आज मतदान होणार आहे. 19 ऑक्टोबर रोजी या निवडणूकीचा निकाल जाहीर होणार आहे.

137 वर्षांच्या इतिहासात आज सहाव्यांदा पक्षाध्यक्षपदासाठी मतदान

काँग्रेस पक्षाच्या 137 वर्षांच्या इतिहासात आज सहाव्यांदा पक्षाध्यक्षपदासाठी मतदान होत आहे. 24 वर्षानंतर नेहरू-गांधी घराण्याव्यतिरिक्त कोणीतरी अध्यक्षपदाच्या खुर्चीवर विराजमान होणार आहे. आजच्या मतदानात माजी काँग्रेस अध्यक्षा सोनिया गांधी, राहूल गांधी, प्रियंका गांधी वड्रा, माजी पंतप्रधान मनमोहन सिंह तसेच, अध्यक्षपदाचे उमेदवार मल्लिकार्जुन खर्गे यांनी देखील मदतान केले.