गोव्याच्या राजकारणात सध्या टीका टिप्पणीला वेग आल्याचे पाहायला मिळत आहे. पक्षातील उमेदवार एकमेकांच्या विरोधी पक्षावर टीका करताना दिसत आहेत. अशातच आज 25 दिन में पैसा डबल, आमदार नीलेश काब्रालने अशी हेरा फेरी केली असल्याचा दावा आपचे अमित पालेकर यांनी केला आहे. त्यांनी यावरची सविस्तर माहिती पत्रकार परिषद घेत दिली.

दरम्यान, यावेळी बोलताना पालेकर म्हणाले की, 2015-16 चे बँक स्टेटमेंट पाहिल तर नऊ लाख पन्नास हजार होते. आणि आज 2019 आणि 20 चे स्टेटमेंट पाहिल तर 3 कोटी 19 लाख 72 हजार रुपये झाले आहे. हे पाहता नीलेश काब्राल (Nilesh Cabral) यांच्या इनकम मध्ये 300% नी वाढ झाली आहे. हा सगळा गोवेकरांचाच पैसा असल्याच म्हणत त्यांनी अक्षय कुमारच्या हेरा फेरी या चित्रपटाची आठवण करून देत नीलेश काब्राल यांच्यावर टीका केली. आम्ही गोवेकरांसाठी (goa) फ्री वीज आणि पाण्याची सोय करणार आहोत. यावर ते म्हणतायत की याची गोवेकरांना काही गरज नाही. हे पाहता गेल्या दहा वर्षात भाजपने (bjp) फक्त भ्रष्टाचार करून आपली घरे भरली आहेत. अस मत व्यक्त केल.