पणजी : केंद्र सरकारच्या अटल आसरा योजनेचा राज्यातील आदिवासी समाजाला घरबांधणीसाठी 2.14 कोटींची मदत करण्यात आली आहे. गेल्या पाच वर्षांत 225 आदिवासी कुटुंबांना ही मदत दिल्याची माहिती समाजकल्याण मंत्री सुभाष फळदेसाई यांनी दिली आहे.

(2.14 crores for construction of houses for tribal community in goa Subhash Phaldesai)

विधानसभेच्या पावसाळी अधिवेशनात आमदार अँतोनियो वाझ यांनी विचारलेल्या अतारांकित प्रश्‍नावर फळदेसाई यांनी लेखी उत्तर दिले आहे. समाजकल्याण खात्यातर्फे घर दुरुस्तीसाठी 75 हजार आणि घर बांधणीसाठी 2 लाख रुपयांची मदत देणारी योजना राबविली जाते.

अटल आसरा योजनेचा फायदा 2018-19 मध्ये 12 लाभार्थ्यांनी घेतला, त्यानंतर 2019-20 मध्ये 93 पर्यंत लाभार्थी वाढले. 2020-21 मध्ये ते 24 पर्यंत खाली आले. 2021-22 मध्ये 38वर पोहोचली आहे.

तर सध्या यावर्षी ही संख्या 58 वर गेली आहे. 2018-19 मध्ये 9 लाख, 2018-19 मध्ये 69.95 लाख, 2020-21 मध्ये 20.50 लाख, 2021-22 मध्ये 28.50 लाख तर 2022 मध्ये 87लाख रुपये दिले गेले आहेत.