Goa Shigmotsav पर्यटन खात्यातर्फे शिरोडा येथे शिगमोत्सव, रोमटामेळ,चित्ररथ मिरवणूक येत्या 19 मार्च रोजी होणार आहे. भाटी-शिरोडा ते शिरोडा बसस्थानकपर्यंत ही मिरवणूक निघणार आहे. शिगमोत्सव आयोजनाच्या पार्श्‍वभूमीवर शिवशैल-शिरोडा येथे सहकारमंत्री सुभाष शिरोडकर यांच्या अध्यक्षतेखाली सभा घेण्यात आली.

यंदाचा शिगमोत्सव वेळेत सुरू करून शिस्तीत साजरा करण्याचे ठरले. शिगमोत्सव आयोजन समितीची स्थापना करण्यात आली. यात अध्यक्षपदी बिपीन नाईक, सचिवपदी अक्षय मानकर, कोषाध्यक्ष अंकिता महाले,सदस्यपदी परेस नाईक, डॉ.गौरी शिरोडकर, सिद्धार्थ प्रभू, विजय कारापुरकर, उत्कर्ष शिरोडकर, शुभम नाईक,चंदन शिरोडकर यांची निवड करण्यात आली.