खेळता खेळता वीज तारेच्या संपर्कात आल्याने विजेचा धक्का लागून एका १८ महिन्याच्या चिमुकलीचा मृत्यू झाला. हे प्रकरण कोलवा पोलिस स्थानकाच्या हद्दीत घडले आहे. बाणावली येथे एका भाड्याच्या खोलीत इतर मुलांसोबत ही चिमुकली खेळत होती.

मिळालेल्या माहितीनुसार, खोलीतील एका ठिकाणी 'स्वीचबोर्ड' उघडा होता. खेळता खेळता वीज तारेच्या संपर्कात ती आल्याने त्या मुलीचा दुर्दैवी मृत्यू झाला. हे कुटुंब मूळचे झारखंडचे, नुकतेच बाणावली येथे राहायला आले होते.

या मुलीची आई स्वयंपाक घरात व्यस्त होती. याचवेळी हे प्रकरण घडले. वडील जवळच्या परिसरात मजुरीचे काम करत होते, तिला उपचारासाठी दक्षिण गोवा जिल्हा रुग्णालयात नेण्यात आले होते.