Canacona Migrant Workres Tenant Verification By Goa Police

काणकोण: काणकोणात परप्रांतीय कामगारांचा आकडा वाढत आहे. गेल्या वर्षी काणकोण पोलिस स्थानकात १२४२ परप्रांतीय मजुरांची नोंद करण्यात आली होती. यंदा आत्तापर्यंत ती १६३८ झाली आहे.

राज्यात खून, घरफोड्या व बलात्कार तसेच अन्य गुन्हेगारी प्रकरणात परप्रांतीयांचा हात असल्याचे समोर आले असल्याने राज्यातील पोलिसांनी परप्रांतीय भाडेकरूंची पडताळणी करणे सुरू केले आहे, त्याचाच एक भाग म्हणून काणकोणात आतापर्यंत १६३८ परप्रांतीयांची पडताळणी करण्यात आली आहे.

परप्रांतीय मजुरांचा समावेश जास्त आहे, असे काणकोणचे पोलिस निरीक्षक हरिष राऊत देसाई यांनी सांगितले. ते ज्यांच्या घरात भाडेकरू म्हणून राहतात, त्या घरमालकाने त्या परप्रांतीयांची माहिती पोलिसांत नोंद करणे बंधनकारक आहे, मात्र काही घरमालक ती नोंद करत नाहीत, असे या पडताळणीतून स्पष्ट झाले आहे.