Goa Corona Update: गोव्यात गेल्या काही दिवसांत दररोज सरासरी शंभरहून अधिक नवीन कोरोनारूग्ण आढळत आहेत. तथापि, कोरोनामुक्त होणाऱ्यांचीही संख्या जास्त असल्याने एकूण सक्रीय म्हणजेच उपचार घेत असलेल्या कोरोना रूग्णसंख्येचा आकडा मर्यादित राहिला आहे. गेल्या 24 तासात राज्यात नवीन 121 रूग्ण आढळून आले.
गेल्या 24 तासात राज्यात एकूण 866 नवीन चाचण्या झाल्या. यातील 115 जणांना होम आयसोलेशनमध्ये ठेवले आहे तर 6 जणांना रूग्णालयात दाखल करण्यात आले आहे. दरम्यान, गेल्या 24 तासात रूग्णालयातून 5 कोरोना रूग्णांना डिस्चार्ज देण्यात आला.
सध्या राज्यात एकूण सक्रिय कोरोनारूग्णसंख्या 752 इतकी आहे. राज्यात आत्तापर्यंत 4014 मृत्यू झाले आहेत. राज्याचा कोरोनामुक्ती दर 98.18 टक्के इतका आहे. राज्यात आत्तापर्यंत 21 लाख 71 हजार 428 चाचण्या झाल्या असून त्यातून 2 लाख 61 हजार 275 कोरोनारूग्ण आढळून आले होते. त्यापैकी 2 लाख 56 हजार 509 रूग्ण कोरोनामुक्त झाले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.