इलेक्ट्रॉनिक दुकानात कामगाराने 12 लाख रूपयांची अफरातफर केल्याचा प्रकार उघकीस आली आहे. नायकावाडा कळंगुट येथे 2019 ते 12 जुलै 2022 या कालवधीत ही घटना घडली.

पोलिसांनी दुकानाचा कामगार संगा राम (रा. राजस्थान) याच्या विरुद्ध भारतीय दंड विधान कलम 408 प्रमाणे गुन्हा दाखल केला आहे. या प्रकरणी श्री गणेश इंटरप्राईझेस या दुकानाचे मालक चुना राम यांनी पोलिसांत तक्रार दिली आहे.

मिळालेल्या माहितीनुसार, दुकानातील कामगार आरोपीने फिर्यादींच्या विश्वासाचा गैरफायदा घेत दुकानातील 10 ते 12 लाख रोख रकमेची अफरातफर केली. हा प्रकार लक्षात येताच मंगळवारी 19 जुलै रोजी फिर्यादींनी पोलिसांत तक्रार दाखल केली आहे. संशयित आरोपी फरारी असून त्याचा शोध पोलीस घेत आहेत.