पणजी: राज्यातील ११० इमारती धोकादायक आहेत. त्‍या लवकरच पाडल्या जातील, असे मुख्यमंत्री डॉ. प्रमोद सावंत यांनी आज विधानसभेत सांगितले. बाणावलीचे आमदार व्‍हेंझी व्हिएगस यांनी यासंदर्भात प्रश्‍‍न विचारला होता.

मुख्यमंत्री म्हणाले की, इमारतींची देखभाल, दुरुस्ती करणे, इमारती वापरायोग्य ठेवणे हे निरंतर चालणारे काम आहे. सर्व इमारती कधी दुरुस्त होतील या प्रश्नाचे उत्तर नाही. कारण प्रत्येक इमारत काही वर्षांनी दुरुस्त करावीच लागते. सरकार त्या इमारतींचा पाया मजबूत आहे की नाही याचे परीक्षण तज्ज्ञांकरवी करून घेते. नंतर त्या आधारे ती इमारत दुरुस्त करायची की पाडायची ते ठरविले जाते.

देखभाल, दुरुस्तीसाठी ६०० कोटी; मुख्‍यमंत्री

इमारत देखभाल दुरुस्तीसाठी यंदा ६०० कोटी रुपयांची तरतूद केली आहे, अशी माहिती देऊन मुख्‍यमंत्री डॉ. प्रमोद सावंत म्‍हणाले की, विधानसभा संकुल सुरक्षित आहे. मात्र, हा सभापतींच्या अख्यत्यारितील विषय असल्याने चर्चा करत नाही.