पणजी: येथील एका तारांकीत हॉटेलातील कसिनोमध्ये सुरू असलेल्या बेकायदेशीर 'लाईव्ह गेमिंग'वर पणजी पोलिसांचा छापा टाकला. पोलिसांनी सुमारे 27 लाख़ रुपये जप्त केल्याची माहिती समोर येत आहे. याचबरोबर 'लाईव्ह गेमिंग'मध्ये सहभागी असलेल्या 11 जणांना अटक करण्यात आली आहे. पोलिस पुढील तपास करत आहेत. (11 people arrested for gambling in Panaji Goa)

टोंक-करंझाळे येथे एका घराच्या गच्चीवर दिवसाढवळ्या सुरू असलेल्या पोकर गेम्स जुगारावर 8 एप्रिल रोजी पणजी पोलिसांनी (Police) छापा टाकून 25 जणांना अटक केली होती. तसेच जुगारासाठी वापरण्यात आलेल्या 883 पोकर चिप्स, कार्डस्‌ तसेच 20,590 रोकड जप्त केली. जुगार प्रतिबंधक कायद्याखाली संशयितांविरोधात गुन्हा नोंद करून त्यांची जामिनावर सुटका करण्यात आली. पणजी (Panaji) पोलिसांनी दिलेल्या माहितीनुसार, करंझाळे येथील एका घराच्या गच्चीवर जुगार सुरू असल्याची माहिती पोलिसांना मिळाली होती व त्या आधारे त्‍यांनी मोठ्या प्रमाणात पोलिस फौजफाटा घेऊन तेथे छापा टाकला.