Goa SSC Result : दहावीच्या प्रथम सत्र परीक्षेचा निकाल आज बुधवार 8 फेब्रुवारी रोजी जाहीर करण्यात येणार आहे. गोवा बोर्डाच्या वेबसाईटवर जाहीर करण्यात येणार असून संबंधित विद्यार्थी तो तेथे पहावा, असे बोर्डातर्फे कळविण्यात आले आहे.

वर्ष 2022 मध्ये 10 ते 29 नोव्हेंबर या कालावधीत बोर्डाची प्रथम सत्र परीक्षा घेण्यात आली होती. त्या परीक्षेचा निकाल कधी लागणार याची विचारणा विद्यार्थी-पालक, शिक्षकांकडून होत होती. ती प्रतीक्षा आता संपुष्टात आली आहे.

आज बुधवारी निकाल वेबसाईटवर उपलब्ध होणार आहे. विद्यार्थ्यांना result1.gbshse.in या वेबसाईटवर हा निकाल उपलब्ध करण्यात येणार असून यासंबंधी परिपत्रक बोर्डाने जारी केले आहे आणि ते सर्व शाळांना पाठवले आहे.