Car Robbed In South Goa दक्षिण गोव्यातील 'काब दे राम' येथे पार्क केलेल्या एका गाडीची काच फोडून आतील बॅगेची चोरी करण्याचा प्रकार शनिवारी घडला असून या बॅगेत 1.10 लाखांचा ऐवज होता असे पोलिसात दिलेल्या तक्रारीत म्हटले आहे. मुंबईतील एका व्यापाऱ्याने कुंकळ्ळी पोलीस स्थानकात ही तक्रार दाखल केली आहे.

दक्षिण गोव्यातील प्रसिद्ध पर्यटन स्थळ असलेल्या काब द राम येथे अज्ञात चोरटयाने मुंबईतील एका व्यापाऱ्याची कारमध्ये ठेवलेली बॅग कारची काच फोडून चोरून नेली. या बॅगमध्ये टेब, मोबाईल व सोन्याचे रिंग मिळून 1 लाख 10 हजारांचा ऐवज होता.

याप्रकरणी कुंकळ्ळी पोलिस ठाण्यात अज्ञाताविरोधात भादंसंच्या 379 कलमाखाली गुन्हा नोंद केला आहे. पोलिस निरीक्षक तुकाराम चव्हाण यांच्या मार्गदर्शनाखाली उपनिरीक्षक भरत खरात पुढील तपास करीत आहेत. या प्रकरणी अमित भागवत यांनी ही तक्रार दाखल केली होती.