पणजी: भुवनेश्वर (ओडिशा) येथे झालेल्या ४० व्या सब ज्युनिअर राष्ट्रीय जलतरण स्पर्धेत गोव्याच्या पूर्वी रितेश नाईक हिने २०० मीटर फ्रि स्टाइल गटात ब्रांझपदक पटकाविले. तिने हे अंतर २ तास ३० मिनिटे आणि ६२ सेकंदात पूर्ण केले. पूर्वी ही पणजी येथील मुष्टीफंड हायस्कूलमध्ये शिकते.

दरम्यान, ही स्पर्धा ओडिशा राज्य जलतरण संघटनेने भारतीय जलतरण संघटनेच्या मार्गदर्शनाखाली आयोजित केली होती. या गटात सारोहा सेरेना हिने सुवर्ण तर स्तुती सिंगने राैप्यपदक पटकाविले. पूर्वी हिने केलेल्या कामगिरीचे गोवा जलतरण संघटनेचे अध्यक्ष योगिराज कामत व भारतीय जलतरण संघटनेचे खजिनदार सुदेश नागवेकर यांनी खास अभिनंदन केले.