पणजी: विजय हजारे करंडक लिस्ट ए (एकदिवसीय) क्रिकेट स्पर्धेतील लढतीत शुक्रवारी गोव्याने बलाढ्य गुजरातसमोर सपशेल शरणागती पत्करली. त्यांना सहा विकेट आणि १९९ चेंडू राखून मोठा पराभव पत्करावा लागला.

जयपूर येथील के. एल. सैनी स्टेडियमवर झालेल्या लढतीत गुजरातने नाणेफेक जिंकून गोव्याला प्रथम फलंदाजीस पाचारण केले. मागील लढतीत आसामला नमवलेल्या गोव्याच्या संघाने साफ अपेक्षाभंग केला. अक्षर पटेल (३-१४), रवी बिष्णोई (२-८), अरझान नागवसवाला (२-३०) यांच्या प्रभावी माऱ्यासमोर गोव्याचा डाव अवघ्या ११७ धावांत गारद झाला. स्पर्धेच्या अ गटात सलग सहावा सामना जिंकलेल्या गुजरातने ११८ धावांचे लक्ष्य चार विकेट गमावून अवघ्या १६.५ षटकांतच गाठले. गोव्याचा (Goa) हा सहा सामन्यांतील तिसरा पराभव ठरला.

संक्षिप्त धावफलक

गोवा ः ३५.४ षटकांत सर्वबाद ११७ (ईशान गडेकर १, स्नेहल कवठणकर २९, के. व्ही. सिद्धार्थ ४३, दीपराज गावकर ४, सुयश प्रभुदेसाई ५, विकास सिंग ४, दर्शन मिसाळ १०, मोहित रेडकर ५, फेलिक्स आलेमाव ३, अमूल्य पांड्रेकर नाबाद ०, शुभम तारी ०, चिंतन गजा ६-१-२०-१, अरझान नागवसवाला ७-०-३०-२, हेमांग पटेल ६-०-२५-१, प्रियजितसिंग जडेजा ६-०-१९-१, अक्षर पटेल ६.४-१-१४-३, रवी विष्णोई ४-१-८-२) पराभूत वि. गुजरात ः १६.५ षटकांत ४ बाद ११८ (आर्य देसाई १६, ऊर्विल पटेल ६१, उमंग कुमार २४, शुभम तारी ४.३-०-२७-१, मोहित रेडकर २-०-१६-०, फेलिक्स आलेमाव ६-०-४९-२, दीपराज गावकर ०.३-०-०-०, अमूल्य पांड्रेकर ३-०-२४-१, सुयश प्रभुदेसाई ०.५-०-२-०).