पणजी, ता. १३ (क्रीडा प्रतिनिधी): मास्टर ब्लास्टर सचिन तेंडुलकर यांचा मुलगा अर्जुन तेंडुलकर याने बुधवार (दि. १३ नोव्हेंबर) रोजी प्रथम श्रेणी क्रिकेटमध्ये वैयक्तिक स्थरावर सर्वोत्तम कामगिरी नोंदविली. रणजी करंडक क्रिकेट स्पर्धेतील प्लेट विभागात गोव्यातर्फे खेळताना या डावखुऱ्या वेगवान गोलंदाजाने अरुणाचल प्रदेशचे पाच गडी बाद केले.
गोव्यात पर्वरी येथे रणजी करंडक क्रिकेट स्पर्धेच्या चार दिवसीय सामन्याला बुधवारपासून सुरवात झाली आणि गोव्याने पहिल्याच दिवशी टी-ब्रेक पूर्वी अरुणाचल प्रदेशचा पहिला डाव ५ बाद ३६ वरून फक्त ८४ धावांवर गुंडाळला.
अर्जुनच्या पाच विकेट व्यतिरिक्त गोव्यातर्फे ऑफस्पिनर मोहित रेडकर याने तीन, तर नवीन पदार्पण करणाऱ्या डावखुऱ्या फिरकी गोलंदाज कीथ पिंटो याने दोन गडी बाद केले.
२५ वर्षीय अर्जुनने भन्नाट स्पेल टाकत सकाळच्या सत्रात ९-३-२५-५ अशी प्रभावी गोलंदाजी केली. गोव्यातर्फे पाहुणा क्रिकेटपटू म्हणून अर्जुन तेंडुलकर सध्या सलग तिसरा मोसम खेळत आहे आणि त्याच्या क्रिकेट कारकिर्दीतील १७व्या रणजी क्रिकेट सामन्यात त्याने वैयक्तिक स्थरावर आतापर्यंतची सर्वोत्तम कामगिरी नोंदविली आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.