हरमल: येथील सार्वजनिक गणेशोत्सव मंडळाने ३१ व्या उत्सवानिमित्त आयोजित पाच किलोमीटर हरमल मॅरेथॉन स्पर्धेत नऊ ते साठ वर्षे वयाच्या धावपटूंनी भाग घेऊन स्पर्धा यशस्वी केली. या स्पर्धेत ४९ जणांनी भाग घेतला होता.

१८ वर्षांखालील गटात प्रथम आयुष साटेलकर, द्वितीय सौद साझुड, तृतीय शिवम कांबळी, १८ वर्षांवरील गटात प्रथम यश केरकर, द्वितीय दीप नाईक, तृतीय मनोज हरमलकर, मुलींच्या गटात प्रथम राशी हरमलकर, द्वितीय शिफाली नाईक, तृतीय न्याटी फर्नांडिस, ४० वर्षांवरील गटात प्रथम विक्रम सिंग, द्वितीय नितीन गावडे, तृतीय देऊ गडेकर विजेते ठरले.

कनिष्ठ गटात प्रथम चिन्मय गावडे, द्वितीय प्रणोय पोळजी, तृतीय आयुष सावंत हे विजेते ठरले. सहभागी झालेल्यांना प्रशस्तिपत्र देण्यात आले.

ही स्पर्धा राजन बांधकर, प्रदीप ठाकूर यांनी पुरस्कृत केली होती. विष्णू विर्नोडकर, रामदास ठाकूर यांनी साहाय्य केले. मंडळाचे अध्यक्ष संतोष कोरकणकर यांनी शुभेच्छा दिल्या.