Sur Jahan World Music Peace Festival Goa 2025

पणजी: गोव्यात तब्बल पाच वर्षानंतर सूर जहान वर्ल्ड म्युझीक पीस फेस्टिव्हल होणार आहे. कोरोना महामारीच्या काळात हा महोत्सव बंद करावा लागला. त्यानंतर आता पुन्हा हा महोत्सव कमबॅक करत आहे. पणजीतील कला अकादमीत हा संगीत महोत्सव होणार आहे.

मिळालेल्या माहितीनुसार, कला अकादमी, पणजी येथे ७ आणि ८ फेब्रुवारी रोजी हा संगीत महोत्सव होईल. यावर्षीच्या महोत्सवासाठी शांततेसाठी संगीत, सर्वांसाठी संगीत, अशी थीम ठेवण्यात आली आहे. भारतीय कलाकारांसह आंतरराष्ट्रीय कलाकार देखील या महोत्सवात कला सादर करतील.

२०११ मध्ये या महोत्सवाची सुरुवात झाली होती. सुरुवातीला या महोत्सवाचे सुफी सूत्र असे नाव होते. सर्वांसाठी खुला असणारा या महोत्सवाने अल्पावधीत प्रसिद्धी मिळवली आणि हळूहळू यासाठी उपस्थिती लावणाऱ्यांची संख्या वाढत गेली.

कोण कोण करणार सादरीकरण

डच संगीताचा आनंद देण्यासाठी फलकॉर्न सादरीकरण करतील, स्वीडिश संगीतकार आणि वाद्य वादक ऐल मोलर देखील या महोत्सावला हजेरी लावणार आहे. याशिवाय उंब्रा आणि विविध भारतीय संगीताचा आस्वाद घेता येणार आहे. यात बंगाल, राजस्थानसह आदीवासी संगीत देखील ऐकायला मिळणार आहे.

यापूर्वी कोठे कोठे झाला महोत्सव

पणजी (२०१५-२०२०), नवी दिल्ली (२०१२, २०१३, २०१५ आणि २०१९), जयपूर (२०२०), पटणा (२०१४) आणि ढाका (२०१४)