Keerthy Suresh - Antony Thattil Wedding

प्रसिद्ध दाक्षिणात्य अभिनेत्री कीर्ती सुरेश लवकरच तिच्या प्रियकरासोबत लग्नाच्या बंधनात अडकणार आहे. कीर्ती गोव्यात लग्न करणार असल्याची माहिती खात्रीलायक सूत्रांकडून समोर आली आहे. विशेष म्हणजे कीर्तीच्या लग्नाची तारीख देखील ठरली असून, तिच्या लग्नाची तयारी सध्या सुरु आहे.

दुबईचा बिझनेसमन अँटनी थट्टील याच्यासोबत कीर्ती विवाह बंधनात अडकणार आहे. कीर्ती गेल्या काही वर्षापासून अँटनीसोबत आहे. दोघे रिलेशनमध्ये असल्याच्या बातम्या यापूर्वी समोर आल्या आहेत. दरम्यान, आता दोघांनी लग्न करण्याचा निर्णय घेतला असून, पुढील महिन्यात गोव्यात ते लग्न करणार आहेत.

कीर्तीचा वरुण धवनसोबत बेबी जॉन नावाची सिनेमा प्रेक्षकांच्या भेटीला येत आहे. या चित्रपटाच्या निमित्ताने दर्शन घेण्यासाठी कीर्ती तिरुपती बालाजी येथे आली असता तिने प्रसारमाध्यमांशी संवाद साधला. पुढील महिन्यात मी लग्न करतेय, मी तिरुपतीला देवाचे दर्शन घेण्यासाठी आले होते. गोव्यात माझे लग्न असेल, अशी माहिती खुद्द कीर्तीने माध्यमांना दिली.

कीर्ती सुरेश आणि अँटनी थट्टील ११ आणि १२ डिसेंबर रोजी गोव्यात लग्न करतील. कीर्ती - अँटनी गेल्या १५ वर्षापासून रिलेशनशिपमध्ये आहे. अनेक वर्षांच्या या रिलेशन आता लग्नात बदलण्याचा निर्णय दोघांनी घेतला आहे. (Keerthy Suresh - Antony Thattil Wedding)

कीर्ती सुरेश आणि वरुण धवन यांचा बेबी जॉन चित्रपट लवकरच प्रेक्षकांच्या भेटीला येणार आहे. कीर्ती आणि वरुण सध्या या चित्रपटाच्या प्रमोशनसाठी ठिकठिकाणी भेट देत आहेत.