सांगे: सांगेच्या अपक्ष उमेदवार सावित्री कवळेकर यांनी प्रचारकार्यात आपला जनसंपर्क वाढविताना अगदी दुर्गम भागातील घरोघरी भेटी देत लोकांशी संवाद साधला. प्रचार करताना ज्या ठिकाणी थेट रस्ता नाही अशा भागात दुचाकी घेऊन मतदारांच्या सावित्री कवळेकर गाठीभेटी घेत आहेत.(Goa election)

प्रचारकार्यात एकही घर सुटणार नाही याची काळजी सावित्रींकडून घेतली जात आहे. सकाळपासून रात्री दहापर्यंत सांगे(Sanguem) मतदारसंघातील डोंगर कपाऱ्यातील मतदारांच्या भेटी घेत आपले व्हिजन मतदारांना पटवून देत आसताना मतदार एक महिला उमेदवार गेल्या पाच वर्षात सांगे मतदार संघातील महिला प्रतिनिधी या नात्याने जनतेच्या सुख दुःखात सहभागी होत असल्याचे पाहून सामान्य नागरिक सावित्री संदर्भात सहानभूती व्यक्त करीत आहे.

गेल्या निवडणुकीत आपल्याला कमी वेळ मिळाला म्हणून आपण प्रत्येक मतदाराच्या घरात जाऊ शकलो नाही म्हणून आपला पराभव झाला. ती चूक या निवडणुकीत(election) आपण करणार नसल्याने कवळेकर यांनी सांगितले.

सुवासिनींकडून आशीर्वाद

सावित्री कवळेकर(savitri kavlekar) यांनी प्रचार करताना प्रत्येक घर महत्त्वाचे असल्याचे मानत दुर्गम भागातही प्रचाराचा वेग वाढवला आहे. त्यांची धडपड व कष्ट पाहून ग्रामीण भागातील महिलाही सावित्रींचे स्वागत करीत आहेत. अनेक सुविसिनींनी सावित्री कवळेकर यांचे कुंकूमार्जन करून त्यांना आशीर्वाद दिला.