पणजी: काँग्रेसच्या राष्ट्रीय सरचिटणीस प्रियांका गांधी वाद्रा 7 फेब्रुवारीला एक दिवसाच्या गोवा दौऱ्यावर येत आहेत. पणजी मतदारसंघात त्या काँग्रेसच्या घरोघरी प्रचार करण्याबरोबरच विविध क्षेत्रांतील घटकांशी चर्चा व संवाद साधणार असल्याची माहिती गोव्याचे ज्येष्ठ निवडणूक निरीक्षक पी. चिदंबरम यांनी दिली. (Goa Election Update)

प्रियांका गांधी (Priyanka Gandhi) दुपारी 12 वा. बेताळभाटी येथील गोव्याच्या माजी प्रदेश काँग्रेस अध्यक्ष आयरिन बार्सेस यांच्या निधनानिमित्त त्यांच्या कुटुंबीयांचे सांत्वन करतील. दुपारी 12:30 ते 1:15 यादरम्यान नुवे मतदारसंघात जाहीर सभा व माजोर्डा येथे कोपरा बैठक घेतील. दुपारी 1 वा. नावेली येथे, 3 वा. सांताक्रुझ तर कुंभारजुवे येथे 3:45 वा. जाहीर सभा होणार आहे. संध्याकाळी 4:30 वा. पणजीतील (Panaji) काही भागांत घरोघरी प्रचारात त्या सहभागी होतील.

राहुल गांधी 4 फेब्रुवारी रोजी गोव्या दौऱ्यावर आले होते. आगामी काही दिवसात भाजपचे दिग्गज नेते गोव्यात प्रचार करणार आहेत. यामध्ये गृहमंत्री अमित शहा (Amit Shah), केंद्रीय वस्त्रोद्योग मंत्री स्मृती इराणी, केंद्रीय वाहतूक आणि महामार्ग मंत्री नितीन गडकरी, भाजपचे राष्ट्रीय अध्यक्ष जे.पी. नड्डा, संरक्षणमंत्री राजनाथ सिंह यांचा समावेश आहे.