सांगे: सांगे मतदारसंघात घरोघरी भेट दिली असता लोकांचा प्रतिसाद पाहून यावेळी सांगेतून ‘कमळ’ फुलणार असल्याची शंभर टक्के खात्री झाली आहे, असे माजी आमदार सुभाष फळदेसाई यांनी सांगितले. कावरेपिर्ला (Kavrepirla) पंचायत क्षेत्रात आज त्यांनी आपला प्रचार केला. यावेळी त्यांच्याबरोबर असंख्य कार्यकर्ते हजर होते.

गेल्या 22 दिवसांपासून आपण घरोघरी जाऊन प्रचार केला असून मतदारसंघातील सर्व घरांत पोचलो आहे. यावेळी लोकांचा मिळालेला मोठा प्रतिसाद पाहता आपला विजय निश्‍चित आहे. लोकांना चांगली सेवा देण्यास आपले प्राधान्य असेल, असे फळदेसाई (Phaldesai) म्‍हणाले.

माझा पराभव करण्यासाठी विरोधक सर्व थरातून प्रयत्न करीत आहेत. आता तर मतदारसंघात लोकांना पैशाची आमिषे दाखवून मते घेण्याचा प्रयत्न सुरू झालाय. लोकांनी विरोधकांकडून दिले जाणारे पैसे घ्यावेत, परंतु त्यांना मतदान करू नये. कारण ते जो पैसा वाटत आहेत तो त्यांचा कमाईचा नसून आडमार्गाने कमावलेला आहे.त्‍यामुळे विचारपूर्वक भाजपलाच मतदान करा, असे आवाहन सुभाष फळदेसाई (Subhash Phaldesai) यांनी यावेळी मतदारांना केलेआहे.