पणजी: पुढील काही दिवसात गोव्यासह पाच राज्यात विधानसभा निवडणुकीचे मतदान होणार आहे. या पार्श्वभूमीवर केंद्रीय निवडणूक आयोगाने पाचही राज्यात एक्झिट पोल जाहीर करण्यावर बंदी घातली आहे. ही बंदी 10 फेब्रुवारी रोजी सकाळी 7 ते 7 मार्चच्या सायंकाळी 6:30 पर्यंत आहे. (Election Commission Goa Updates)

गोवा, उत्तर प्रदेश, पंजाब (Punjab), उत्तराखंड आणि मणिपूर या पाच राज्यांमध्ये विधानसभा निवडणुकांची रणधुमाळी सुरू आहे. सर्वच राजकीय पक्षांचा जोरदार प्रचार सुरू आहे. विधानसभा निवडणुकीच्या पार्श्वभूमीवर आज प्रधानमंत्री नरेंद्र मोदी (Narendra Modi) आज गोवा दौऱ्यावर येणार आहेत. गोव्यात 14 नोव्हेंबर रोजी मतदान होणार आहे. उत्तर प्रदेश मध्ये 7 मार्चपर्यंत 7 टप्प्यांत मतदान होणार आहे. उर्वरीत राज्यात एक ते दोन टप्प्यात मतदान होणार आहे. मतदानाचा शेवटचा टप्पा 7 मार्च रोजी असल्याने तोपर्यंत एक्झिट पोल जाहीर करता येणार नसल्याचे निवडणूक आयोगाने स्पष्ट केले आहे.

भाजपचे दिग्गज प्रचारात
पुन्हा सत्ता मिळवण्यासाठी भाजपने देशाच्या दिग्गजांना प्रचारात उतरवले आहे. गृहमंत्री अमित शहा, संरक्षण मंत्री राजनाथ सिंग यांनी गोवा येथील वास्को (Vasco), डिचोली, साखळी फोंडा या ठिकाणी जाहीर सभा घेतली. शहा यांच्या साखळी व डिचोलीतील सभांना उत्स्फूर्त प्रतिसाद मिळाला. दुसरीकडे मोदी यांनी प्रसारमाध्यमाला मुलाखत देताना पाचही राज्यात भाजपला बहुमताने सत्तेत येईल असा दावा केला आहे.