चीनमध्ये सध्या कोरोनाचा पुन्हा एकदा मोठ्या प्रमाणावर शिरकाव झाला आहे. कोरोनाचा वाढता प्रादुर्भाव लक्षात घेता, हुआकियांगबेई येथील जगातील सर्वात मोठे इलेक्ट्रॉनिक्स बाजार बंद करण्याचा निर्णय घेण्यात आला आहे. दक्षिण शेनझेन शहरातील अधिकाऱ्यांनी याबाबत माहिती दिली आहे.

रविवारी या परिसरात काही नव्या कोरोना रूग्णांची नोंद झाली. त्यापैकी नऊ जणांमध्ये लक्षणे दिसून आली आहेत, तर दोन रूग्ण लक्षणेविरहित आहेत. चीनमध्ये कोरोना संसर्गाचा प्रसार वाढत असल्याने चीन प्रशासन सतर्क झाले आहे. चीनच्या विविध भागात कडक लॉकडाऊन लावण्यासंबधी निर्णय सध्या घेतले जात आहेत.

विवारी चीनमध्ये 1556 नव्या कोरोना बाधित रूग्णांची नोंद झाली आहे. चीनची राजधानी बीजिंगसह इतर शहरात कडक निर्बंध लावण्याचा विचार चीन प्रशासन करत आहे. तसेच, नागरिकांनी कोरोना संबधित नियमांचे काटेकोर पालन करावे असे निर्देश सरकारने दिले आहे.