WHO High Alert Over Monkeypox: जगभरातील मंकिपॉक्सच्या वाढत्या रुग्णसंख्येमुळे जागतिक आरोग्य संघटना चिंतेत आहे. शनिवारी WHO ने मंकीपॉक्सबाबत हाय अलर्ट जारी केला आहे. विशेष म्हणजे, भारतात आतापर्यंत तीन रुग्णांची पुष्टी झाली आहे. मंकीपॉक्सच्या वाढत्या रुग्णसंख्येमुळे WHO ने जागतिक आरोग्य आणीबाणी घोषित केली आहे.

मंकीपॉक्सचा प्रसार मे महिन्यात सुरु झाला

मे महिन्याच्या सुरुवातीपासून मंकीपॉक्सचा (Monkeypox) प्रसार वेगाने झाला. WHO ने सांगितले की, 'सध्या अनेक देशांमध्ये मंकीपॉक्सचा प्रादुर्भाव आहे. या रोगाचा प्रसार त्या देशांमध्ये देखील होत आहे, जिथे हा रोग सहसा आढळला नव्हता.'

WHO च्या सर्वोच्च सतर्कतेचा अर्थ

जागतिक आरोग्य संघटनेने वाढत्या मांकीपॉक्सच्या प्रादुर्भावामुळे सार्वजनिक आरोग्य आणीबाणी घोषित केली आहे. या विषाणूबाबत जगभरातील नागरिकांना (Citizens) जागतिक आरोग्य संघटनेने सतर्क केले आहे. डब्ल्यूएचओ आता मंकीपॉक्सचा प्रादुर्भाव हा जागतिक आरोग्यासाठी एक गंभीर धोका म्हणून पाहत आहे. त्यामुळे त्याचा सामना करण्यासाठी समन्वित आंतरराष्ट्रीय प्रतिसादाची गरज आहे. जेणेकरुन रोगाचा प्रसार थोपावता येईल.