जिनिव्हा : कोरोना विषाणूच्या उगमाबाबत तपास करण्यासाठी येणाऱ्या जागतिक आरोग्य संघटनेच्या अधिकाऱ्यांना परवानगी देण्यास चीन विलंब लावत असल्याबद्दल ‘डब्लूएचओ’चे संचालक टेड्रॉस अधनोम घेब्रेयेसूस यांनी आज नाराजी व्यक्त केली. घेब्रेयेसूस म्हणाले की, ‘डब्लूएचओ’ व चीनमध्ये बोलणी झाल्याप्रमाणे तज्ञांच्या पथकातील सदस्य निघाले आहेत. मात्र, चीनने अद्यापही त्यांना परवानगी दिली नाही. ही बाब निराशाजनक आहे.